【中环秘店】 时装名店首试神秘大餐Dining娜

到于Dining娜嚟讲,食最紧要就係讲CP值 (即性价比),讲食平嘢,只要好食我一啲都晤介意,而食贵嘢,我就特别有要求。好多人问我去中环蒲有乜嘢秘窦fine dining,大路嘅就唔使多介绍,银两充足你自然识去,但Landmark入面英国时装名店Harvey Nichols 4楼嘅餐厅,又有几多人知呢?今次餐厅就请咗我去试咗佢哋嘅 5-Course Christmas Dinner Set,儘管同大家share下!

轻鬆食Fine Dining

【中环秘店】 时装名店首试神秘大餐Dining娜

一讲Fine Dining,大家就会有种先入为主,觉得好拘谨嘅感觉。某程度上,好多餐厅用咗密封式、黑色、金属色系做主题,的确会令成个气氛有点formal,真係讲嘢都唔敢大声。

不过,Harvey Nichols Fourth Floor Restaurant & Bars嘅格调装潢,一方面较开阔,可以饱览中环景观,另一方面亦用吃较为relax嘅sharp tone作为主色系,令人食起上嚟都比较causal,好似Christmas呢啲时节,断估大家都晤想好似返工咁刻板挂!

称职的Starter

【中环秘店】 时装名店首试神秘大餐Dining娜

打头阵嘅有「蟹肉配巴马臣芝士酿蟹盖」,啖啖新鲜蟹肉配合巴马臣芝士酿入蟹盖,鲜甜嘅蟹味同芝士「溶」为一体,绝对係一道称职嘅Starter,完全唤醒我嘅食慾!

迷幻蘑菇…汤

【中环秘店】 时装名店首试神秘大餐Dining娜

迷幻蘑菇?咪以为我教你吸毒…讲紧嘅係呢一道「蘑菇忌廉汤配蘑菇粉」!不过,佢的确有种好似中毒嘅魔力,蘑菇嘅新鲜度令人有将原粒鲜蘑菇饮落肚嘅幻觉,鲜味填满整个口腔,好幸福呀!

烧肉眼扒享天然牛油

【中环秘店】 时装名店首试神秘大餐Dining娜

好啦!入正题喇!呢度最出名嘅就係M8和牛、龙虾同应节火鸡等等都好值得用嚟做main course。虽然Dining娜样样都想食,但话明fine dining,都要控制下自己个胃同…仪态嘅。哈哈!最后我拣咗烧肉眼扒做main dish。佢有南瓜蓉、露笋、芝士薯配红酒烧汁做side,伴菜好有层次,又唔会抢咗肉眼扒嘅滋味!当然,食和牛最讲究肉质同脂肪比例,再加上渗出嘅天然牛油,实在香浓无比!

栗子变奏结尾曲

【中环秘店】 时装名店首试神秘大餐Dining娜

讲到dessert,通常都係全晚重点,我就拣咗「栗子牛奶朱古力层饼 配红莓酱雪葩」嚟为餐饭set end。你可能话,听到栗子蛋糕就觉得冇feel,但我真係要讚讚厨师嘅手艺,单单卖相就好似an art piece!

佢更令我谂起一首圣诞歌「chestnut roasting on an open fire…」不多不少嘅栗子味混和回忆中嘅歌声,又青春又圣诞!作为成餐饭嘅ending最好不过。

话说Dining娜我为咗今次餐饭,仲喺衣橱里面排山倒海咁搵番一条little black dress出嚟,涂上今年大热嘅红唇 (当然要不脱色)。其实喉圣诞临近年尾嘅日 子,打扮得靓靓咁食一餐令人心情愉悦嘅饭,都係为自己过去一年set a good end嘅好方法!

Harvey Nichols Fourth Floor Restaurant & Bar

地址:中环德辅道中12-16号置地广场 Harvey Nichols 4楼 (显示地图)

电话:3695 3389

Facebook

相关推荐