独游自拍神器

好多人去旅行都锺意自拍放闪,可惜我身高只得 150cm,手太短,每逢自拍必大面。最近 CASIO 新出「反 Mon 超广角自拍神器」EX-ZR5100,吸引我试用係因为佢卖点之一係增高(笑)!仲新增咗几个美颜功能,唔驶美图 App 同 Photoshop 都可以影到靓靓自拍。

文:啦儿@啦儿游日记

影埋摩天大厦 增高无难度

呢部机一大好处就係有 19mm 广角,影风景同大合照够晒 wide 之余,仲有拉长效果,令 150cm 嘅我睇落高咗几寸,效果都几自然。

独游自拍神器用手机影的话,会影唔晒 Harukas 300 (大阪最高建筑物),个人又短, NG !" width="1000" height="750" srcset="https://imgs.weekendhk.com/wp-content/uploads/2017/09/img_8870_160023180759c3d36e14bab.jpg 1000w, https://imgs.weekendhk.com/wp-content/uploads/2017/09/img_8870_160023180759c3d36e14bab-800x600.jpg 800w, https://imgs.weekendhk.com/wp-content/uploads/2017/09/img_8870_160023180759c3d36e14bab-768x576.jpg 768w, https://imgs.weekendhk.com/wp-content/uploads/2017/09/img_8870_160023180759c3d36e14bab-72x54.jpg 72w, https://imgs.weekendhk.com/wp-content/uploads/2017/09/img_8870_160023180759c3d36e14bab-392x294.jpg 392w" sizes="(max-width: 1000px) 100vw, 1000px" />
增高前用手机影的话,会影唔晒 Harukas 300(大阪最高建筑物),个人又短,NG !
独游自拍神器
增高后因为有19mm广角镜,所以个人拉长咗之余,仲见晒成个景。讚!
就算唔够瞓都可以美颜

去旅行皮肤差,呢部机可以从专属美颜模式中选择平滑肌肤、肤色、亮度及立体感,每个设定都有7个微调等级,可以自由调校至最适合自己嘅美颜效果,一落机唔够瞓,影出来个样都好精神。

独游自拍神器
专属美颜模式可以选择平滑肌肤、肤色、亮度及立体感。
独游自拍神器
平滑肌肤、肤色、亮度及立体感四个设定,我都拣咗中间嘅选项,美颜得来又几自然。
独游自拍神器
超夸张示範,将所有选项推到差不多最高,块面好似「陶瓷」咁光滑。
天气不似预期 自己的背景自己救

去旅行未必次次好天气,好似我咁遇着天阴阴,就可以用「美颜艺术」 入面 HDR 模式去平衡色彩同光线,亦适合背光时使用。「美颜艺术」其实似相机滤镜,其中「鲜艳」同「模糊背景」模式,前者可以令颜色缤纷嘅背景更为突出,后者可以做出单反般的景深效果,非常好玩。

独游自拍神器
「美颜艺术」由以往嘅 4 个新增到 7 个,更加好玩,加埋咁多美颜组合真係试到我手都软。
独游自拍神器
鲜艳 mode 可以将颜色嘅彩度推高。
独游自拍神器
背景杂乱、唔太特别或者想集中在主体时就可以用模糊背景式。
独游自拍神器
颜色比较单调嘅文青 Café ,用 HDR 模式可以令色彩更丰富同鲜明。
夸张搞笑慢动作

CASIO 相机仲加入咗「夸张慢动作」功能,虽然电话都有不过 CASIO 可以拣埋片长同埋慢动作位置,只要扭扭镜头个金属圈就得。

独游自拍神器

另外呢部机我喜欢嘅功能就係动作快门,反 Mon 、揿掣、埋位、挥手——影咗!亦即係话可以慢慢行埋位,唔需要再计时同奔跑喇,因为通常我都会跑唔切。

独游自拍神器
虽然好多相机有 10 秒倒数,但好多细细粒女生都会跑唔切。动作快门功能就可以解决呢个问题之余,连遥控器都唔需要用。
独游自拍神器
见唔见到 Mon 入面嘅我喺度挥紧手呢?

相关推荐